“A VOLTA AO COLE CUSTA MENOS CANDO COMPRAS NO COMERCIO LOCAL” ASI PRESENTA A ASOCIACIÓN DE EMPRESAS DE REDONDELA A CAMPAÑA “VOLTA AO COLE 2026” PARA APOIAR ÁS FAMILIAS
Un mes de vantaxes, premios e aforro para impulsar as compras en Redondela e Chapela durante o inicio do curso.
A Asociación de Empresas de
Redondela pon en marcha a campaña de dinamización comercial “Volta ao Cole
2026”, unha iniciativa pensada para acompañar ás familias nun dos períodos de
maior gasto do ano e reforzar o compromiso do comercio local coa economía
doméstica. O comercio de proximidade convértese así nun aliado directo das
familias, ofrecendo vantaxes reais nun momento no que cada compra conta.
Durante todo o mes de setembro, a
clientela poderá rexistrar as súas compras nos establecementos adheridos á
campaña. Cada ticket rexistrado sumará participacións para o sorteo final de 3 Cheques
Escolares de 100€, ademais de contribuír á activación de premios directos que
se desbloquearán en función do volume total de compras realizadas.
Mecánica da campaña
As persoas consumidoras realizan
as súas compras nos comercios asociados.
Rexistran os tickets na plataforma
oficial de sorteos da Asociación: https://participa.empresasredondela.gal/promocion/50
Canto maior sexa o número de
compras rexistradas, máis posibilidades de gañar un Cheque Escolar e máis
premios se activarán, que serán distribuídos de forma aleatoria entre todas as
persoas participantes.
A campaña pivota sobre unha idea
clara: mercando na vila, as familias aforran e o comercio local medra. O
comercio de proximidade ofrece prezos axustados, atención personalizada e a
comodidade de ter todo ao alcance da man, ao tempo que devolve valor á
comunidade mediante iniciativas como esta. Ademais, comprar no comercio local
reduce custos de desprazamento, é máis próximo, máis sostible e promove un
consumo máis responsable, favorecendo cadeas curtas, aforro real e unha
economía que coida das familias e da vida diaria da vila.
Un mes completo de dinamización e
comunicación
A campaña estará activa durante
todo o mes de setembro, acompañada dun plan de comunicación en redes sociais no
que se irá mostrando a oferta dos comercios locais, recomendacións, novidades e
contidos pensados para facilitar as compras das familias.
A Asociación de Empresas de
Redondela destaca que esta iniciativa “pretende facilitar o inicio do curso,
promover o aforro e poñer en valor a importancia de mercar no comercio local,
que é quen sostén a vida diaria da nosa vila”.
Toda a información, bases
reguladoras e acceso á plataforma de rexistro están dispoñibles en www.empresasredondela.gal.