CAMPAÑA DE PASCUA 2026
O comercio de Redondela celebra a Pascua cunha campaña que une xogos, diversión, premios e promoción das mellores ideas para regalar.
A Asociación de Empresarios de Redondela presenta a nova edición da Campaña de Pascua 2026, que se desenvolverá entre o 25 de marzo e o 5 de abril. Esta iniciativa ten como obxectivo central converter o acto da compra nunha experiencia interactiva, reforzando o posicionamento dos establecementos de proximidade fronte ás grandes superficies nunhas datas de gran relevancia para o consumo familiar.
A campaña deseñouse baixo un modelo híbrido que combina a animación física no punto de venda coa promoción estratéxica no ámbito dixital, garantindo así unha visibilidade integral para todos os negocios participantes.
Para a Clientela: Que che espera nas nosas tendas?
O Xogo dos Ovos de Pascua
Comprar no teu barrio ten premio. Ao realizar as túas compras nos establecementos participantes, poderás participar no divertido
Xogo da Cesta:Premios directos: Atopa os vales premiados dentro dos nosos ovos de Pascua.
Vendas cruzadas: Conseguirás descontos e vantaxes para utilizar noutros comercios e locais de hostalaría da vila.
Experiencia familiar: Unha forma lúdica de facer os teus recados de Pascua coa ilusión de levar un agasallo extra.
Escaparate Dixital e Marketplace
Se prefires botar unha ollada antes de saír de casa, habilitamos unha sección especial no noso Marketplace. Alí poderás ver os "Produtos Estrela de Pascua", con fotos, prezos e descricións para que non se che escape nada
Atopa a campaña nestos establecementos:
| MI CASA |
| SML |
| CANELITA SHOES & CO |
| EL RINCON DE PATRI |
| YIRANDOLA |
| ANAQUEL GOURMET |
| BARRIO SPORT |
| BYPPY JUGUETERIAS |
| KOQUETA |
| MÁS QUENIÑOS |
| MANDAMAMA |
| PANADERÍA OS VIADUCTOS |
| MUEBLES ALVAREZ |
| LAS COSAS DE ROUSS |
| COMO AGUA DE MAYO |
| YIRANDOLA TEEN |
| MAMAGALLINA |
| DONNA BELLA |
| A ARTESA |
| DOBLE L |
| ISHOP |
LENCERIA LISI SEGUROS SOTO |
Para os establecementos asociados: Como unirte á campaña?
Esta campaña está deseñada para que a participación do comerciante sexa sinxela pero de alto impacto. A Asociación encárgase da loxística e da comunicación global para que o socio poida centrarse na atención ao seu cliente.
Soportes Físicos e Decoración
Para homoxeneizar a imaxe da campaña en toda a vila e reducir o impacto ambiental, a Asociación fornecerá o material necesario, apostando pola reutilización de elementos de calidade de edicións anteriores:
Cestas e Ovos: Elementos de ambientación para o punto de venda.
Documentación impresa: Vales de premios e tarxetas personalizadas para a xestión das recompensas.
Estratexia de Promoción Dixital
Cada comercio participante ten a oportunidade de destacar ata 5 produtos na promoción especial. Esta selección contará cunha difusión reforzada a través de:
Inclusión no Marketplace oficial de Redondela.
Publicacións segmentadas nas redes sociais institucionais da Asociación.
Fichas de produto con ligazón directa para a compra ou reserva.
Prazos e Operativa
Para garantir a correcta organización da campaña e a entrega de materiais, establécense os seguintes prazos de obrigado cumprimento:
Inscrición de establecementos: O prazo para confirmar a participación e enviar o material promocional dos produtos (fotos e descricións) remata o venres 20 de marzo de 2026.
Lanzamento oficial: A campaña estará operativa en todos os puntos de venda e plataformas dixitais do 25 de marzo ao 5 de abril.
Procedemento de inscrición: Os socios interesados deben formalizar a súa participación contestando directamente á comunicación oficial remitida pola Asociación ou contactando coa secretaría técnica.
Esta campaña aposta pola economía circular. Ao reutilizar as cestas e materiais de edicións pasadas, reducimos a pegada ecolóxica mentres reforzamos a identidade visual do noso comercio.
Se tes un establecemento es Chapela e queres participar cubre este formulario ou chámanos ao 986 40 40 12