A III EDICIÓN DO PROGRAMA XUVENTUDE MENTORING NA EMPRESA CONSOLÍDASE COMO MODELO DE INSERCIÓN LABORAL EN REDONDELA.
Unha oportunidade para que a Xuventude poida formarse e especializarse nas empresas de sectores estratéxicos de Redondela e a súa comarca.
A Asociación de Empresas de Redondela ven de celebrar o acto de clausura da
III edición do programa Xuventude
Mentoring na Empresa, unha iniciativa que conecta mocidade en
formación coa realidade empresarial local, promovendo estadías formativas en
empresas de sectores estratéxicos do municipio e da súa comarca.
O dato máis destacado desta edición é o alto grao de inserción laboral acadado, cun 80% dos que o 50% dos mozos e mozas participantes foron contratados polas propias empresas nas que realizaron a súa estadía.
OPMOBILITY, RECAMBIOS OCHOA, PETER TABOADA, EFICIENCIA ECOLÓGICA, son algunhas
da empresas nas que xa están traballando estes mozos e mozas.
Este resultado evidencia o compromiso do tecido empresarial de Redondela
coa mocidade e coa xeración de oportunidades reais de emprego, así como a
eficacia dun modelo que combina formación, acompañamento e experiencia directa
no entorno profesional promovido pola Dirección
Xeral de Xuventude da Xunta de Galicia, liderado por Lara Meneses.
O programa, segundo anunciou a Directora Xeral no acto de clausura
celebrado na Asociación de Empresas de Redondela, continuará a súa traxectoria
en 2026 cun novo impulso no que se resaltará a formación na empresa e darase
continuidade a este modelo de estadías formativas nas empresas vinculadas a
sectores estratéxicos da economía galega.
No acto foron entregados os diplomas acreditativos das estadías e un
simbólico distintivo de agradecemento ás empresas colaboradoras.
A Directora Xeral convidou a toda
a mocidade a o gran acto XUVENTUDE NA ONDA que se celebrará o vindeiro venres
28 e sábado 29 no Museo do Centro Gaias en Santiago de Compostela https://xuventudenaonda.es/
