SUBVENCIÓN DE APOIO AO EMPRENDEMENTO 2025
Procedemento TR880
Subvencións ao EMPRENDEMENTO para as
persoas traballadoras autónomas
e pequenas e medianas empresas, incluíndo cooperativas e sociedades laborais e
mutualistas, que se atopen de alta e iniciasen a súa actividade económica dende
o 1 de xaneiro de 2023 no ámbito da Comunidade Autónoma de Galicia, e se
procede á súa convocatoria para a anualidade 2025.
Obxecto
da axuda
Fomentar
o emprendemento e o emprego de calidade mediante o apoio a investimentos
realizados entre o 1 de xullo de 2024 e a data de presentación da solicitude.
Persoas
beneficiarias
- Autónomos/as, mutualistas, pemes, cooperativas e
sociedades laborais con domicilio fiscal en Galicia.
- Que iniciaran actividade desde o 1 de xaneiro de 2023.
- Exclúense os proxectos que xa recibiron axuda nas
convocatorias de 2022, 2023 ou 2024.
Investimentos
subvencionables
Serán subvencionables os investimentos que correspondan de xeito indubidable ao proxecto empresarial constituído ou dado de alta, segundo a natureza xurídica da entidade de que se trate, e que teña iniciado a súa actividade económica dende o 1 de xaneiro de 2023. En concreto:
1º. Equipamento informático.
2º. Activos intanxibles: activos que non teñen unha materialización física ou financeira.
3º. Investimentos en eficiencia enerxética.
4º. Adquisición de bens de equipamento e mobiliario.
5º. Reforma e habilitación das instalacións do local de negocio.
6º. Gastos notariais e/ou rexistrais (gasto corrente).
7º. Gastos de alugamento de inmobles para a realización da actividade para a que se solicita a subvención (gasto corrente).
8º. A adquisición de activos pertencentes a un establecemento ou de bens de equipo de segunda man serán subvencionables sempre que cumpran os requisitos establecidos.
A contía da axuda terá as seguintes porcentaxes de intensidade en función do rango de investimento total realizado:
a) Con investimentos de 5.000 € ou máis ata un límite de 20.000 €, a contía da axuda será do 55 % do investimento.
b) Con investimentos de 20.001 € ou máis ata un límite de 30.000 €, a contía da axuda será do 50 % do investimento.
c) Con investimentos de 30.001 € ou máis ata un límite de 60.000 €, a contía da axuda será do 45 % do investimento.
No suposto de que o proxecto de investimento evite o peche dun negocio por falta de remuda xeracional e facilite que a persoa interesada en emprender teña a posibilidade de recoller a testemuña dun negocio xa viable economicamente, a porcentaxe de intensidade en función do rango de investimento total realizado establecida neste artigo incrementarase nun 10 %.
Nota: Os bens deben ser
adquiridos en propiedade e estar pagados entre o 01/07/2024 e a data de
solicitude. Non se subvencionan impostos nin compras a persoas relacionadas.
Contía
da axuda
Segundo
o investimento realizado:
- 5.000 € – 20.000 € → 55 %
- 20.001 € – 30.000 € → 50 %
- 30.001 € – 60.000 € → 45 %
+10
% adicional se o proxecto garante a continuidade dun negocio existente por
falta de remuda xeracional.
Prazo
de solicitude
Do
21 de maio ás 00:00 h ata o 30 de xuño de 2025 ás 23:59 h.
NORMATIVA:
·
Orde
do 28 de abril de 2025 pola que se establecen as bases reguladoras das
subvencións para apoiar iniciativas de emprendemento e se procede á súa
convocatoria para a anualidade de 2025 (DOG nº 90 do 13 de maio de 2025).
· Extracto
da Orde do 28 de abril de 2025 pola que se establecen as bases reguladoras das
subvencións para apoiar iniciativas de emprendemento e se procede á súa convocatoria
para a anualidade de 2025 (DOG nº 90 do 13 de maio de 2025).